Lesjaskog stasjon
| Lesjaskog stasjon | |
|
| |
| Stasjonsområde | |
|---|---|
| Stad | Lesjaskog i Lesja kommune |
| Distanse | 390,73 km frå Oslo sentralstasjon |
| Høgd | 615,3 moh. |
| Opna | 19. november 1921 |
| Nedlagd | 27. mai 1990 |
| Arkitekt | Jernbanens Arkitektkontor ved Gudmund Hoel og Bjarne Friis Baastad |
| Linjer og rutedrift | |
| Linje(r) | Raumabana |
| Overgang | |
 Lesjaskog stasjon | |
Lesjaskog stasjon var ein jernbanestasjon på Raumabana. Stasjonen opna i 1921, mista persontrafikken i 1988 og vart formelt nedlagd i 1990. Lesjaskog er ei grend i Lesja kommune, om lag 45 kilometer nordvest for Dombås.
Lesjaskog var stasjon inntil Raumabana sto ferdig til Åndalsnes i 1924, men vart deretter degradert til stoppestad med billetsal og ekspedering av gods, men utan togkryssingar. Stasjonen vart ubemanna i 1964 og var ubetent stoppestad fram til 1983. Fram til nedlegginga var Lesjaskog ein haldeplass kor toget berre stansa viss det var passasjerar.
Kryssingsspor og sløyfespor
[endre | endre wikiteksten]Lesjaskog hadde frå opninga eit 250 meter langt kryssingsspor og et 75 meter langt sløyfespor med godsrampe.[1] Kryssingssporet vart fjerna før 1960 og sløyfesporet etter 1980. Trass i at stasjonen var ubemanna, var det mogleg å senda vognlastar til og frå Lesjaskog til ut på 1980-talet.
Betening
[endre | endre wikiteksten]Lesjaskog var ein liten stoppestad som aldri fikk stasjonsmeister, men som var betent med ekspeditriser og bestyrare:[2]
- Signe Marie Koppang, f. 1904, ekspeditrise frå 30.11.1924 til 14.10.1927
- Arvid Syversen, f. 1898, bestyrar frå 13.2.1928 til 10.5.1929
- Leif Alf Østby, f. 1895, bestyrar frå 10.5.1929
Stasjonsbygninga
[endre | endre wikiteksten]Lesjaskog hadde ei stasjonsbygning av "type for Raumabanen", teikna av Jernbanens arkitektkontor ved Gudmund Hoel og Bjarne Friis Baastad. Bygninga vart reist mellom 1918 og 1921, kravde 26 456 arbeidstimar og kosta 111 259 kroner, medan heile stasjonsanlegget kosta 275 025 kroner.[3]
Lesjaskog var lik fleire andre stasjonar langs bana som til dømes Bottheim, Verma og Marstein. Ho var reist i lafta tømmer og kledd med liggjande trepanel og ståande vekselpanel i gavlane. Venteromsdøra og gavlvindauga var ramma inn av ornament i nyrokokko. Bygninga hadde saltak tekt med skifer. I fyrste etasje var det ekspedisjonsrom, telegrafistkontor og venterom. I andre etasje var det tenestebustad med inngang frå baksida. I kjellaren var det rom for brensellagring, matlagring og bryggerhus for klesvask. Framfor ekspedisjonsrommet var eit karnapp mot plattforma med plass for innvendig stillverk. Godshuset var i ei einetasjes sidefløy med port ut til plattforma. Stasjonen fekk innvendige klosett i 1960, men privétbygninga blei ikkje riven.
På stasjonsområdet fans òg ei privetbygning og eit vedskjul. NSB bygningsregistrering i 1981 fann stasjonsbygninga av middels verneverdi og i god stand.[4]
Riving
[endre | endre wikiteksten]Grunna vegbygging vart bygningane på stasjonen rivne i 1989. Romsdalsvegen, Europaveg 136, går nå over storparten av det tidlegare stasjonsområdet.
Lesjaskog postopneri
[endre | endre wikiteksten]Stasjonen var postopneri frå 1928.[5] Etter at stasjonen vart ubemanna i 1964 overtok Postverket ekspedisjonsrommet som postkontor. Rundt 1980 vart venterommet innreidd som kvilerom for baneavdelinga, medan passasjerane fekk nytt venterom i det tidlegare godshuset.
Kjelder
[endre | endre wikiteksten]- ↑ Noregs Statsbanar (1958). Sluttrapport fra Raumabanen – jernbaneanlegget Dombås–Åndalsnes – Åpnet for trafikk 29.11.1924. s. 106.
- ↑ Rauma kulturstyre (1994). Normann-samlinga. Raumabanen. s. 143.
- ↑ Noregs Statsbanar (1958). Sluttrapport fra Raumabanen – jernbaneanlegget Dombås–Åndalsnes – Åpnet for trafikk 29.11.1924. s. 101.
- ↑ NSB Arkitektkontoret (1988). Aasmund Dahl, red. NSBs bygningsregistrering: Hamar distrikt: Raumabanen. s. 22–27.
- ↑ «2668 Lesjeskougen». Henta 2. juni 2024.
Bibliografi
[endre | endre wikiteksten]- Noregs Statsbanar (1957). Tjenesteskrift utgitt av Norges Statsbaner, trykk 802a. Ekspedisjonssteder og sidespor ved NSB. Gjelder fra 1 juli 1957. (PDF).
- Noregs Statsbanar (1958). Sluttrapport fra Raumabanen – jernbaneanlegget Dombås–Åndalsnes – Åpnet for trafikk 29.11.1924.
- NSB Arkitektkontoret (1988). Aasmund Dahl, red. NSBs bygningsregistrering: Hamar distrikt: Raumabanen.
- Rauma kulturstyre (1994). Normann-samlinga. Raumabanen.
- Thor Bjerke og Finn Holom (2004). Banedata 2004. Norsk Jernbaneklubb/Norsk Jernbanemuseum. ISBN 82-90286-28-7.
- Denne artikkelen bygger på «no:Lesjaskog stasjon» frå Wikipedia på bokmål, den 16. mai 2024.